በሩሲያ ሞስኮ የፂም ትርኢት ተካሂዷል

በየዓመቱ የሚከበረውን የፂም ቀን ምክንያት በማድረግ የፂም ትርኢት በሩሲያዋ ሞስኮ ከተማ ተካሂዷል።

በሩሲያ የፂም ቀን በየዓመቱ መጋቢት 28 ተከብሮ የሚውል ሲሆን፥ የፂም ትርኢቱም የዚሁ ቀን አካል መሆኑ ተነግሯል።

ቀኑን በማስመልከት የተዘጋጀው የፂም ትርኢት ሻምፒዮናም ባሳለፍነው ቅዳሜ መጠናቀቁ ታውቋል።

በሩሲያ የፂም ቀን እንዲከበር ምክንያት የሆነው እንደ አውሮፓውያኑ አቆጣጠር በ1698 ትሳር ፒተር ሩሲያ የሚገኙ እና ፂማቸውን ያሳደጉ ወንዶች በሙሉ እንዲላጩ የሚያስገድድ ህግ ተግባራዊ ማድረጉ ነው።

ከዚያን ጊዜ ጀምሮም በሀገሪቱ ፂሜን አልላጭም የሚል አሊያም ፂሙን አሳድጎ የተገኘ ማንኛውም ሩሲያዊ የገንዘብ መቀጮ ሲቀጣ ቆይቷል።

ሆኖም ግን ክልከላው እና ቅጣቱ በካትሪን ዘ ግሬት እንደ አውሮፓውያኑ አቆጣጣር መጋቢት 28 1772 እንዲነሳ ተደርጓል።

ይህንን ተከትሎም በየዓመቱ መጋቢት 28 በመላው ሩሲያ የፂም ቀን ተደርጎ ነው የሚከበረው።

ምንጭ፦ CGTN Africa