23 ኢንች ብቻ የሚረዝመው የ21 ዓመቱ ህንዳዊ

የ21 ዓመቱ ህንዳዊ ወጣት ቁመቱ 23 ኢንች አሊያም 58 ሴንቲ ሜትር ብቻ ነው የሚረዝመው።

ማንፕሬት ሲንህ የሚባለው ይህ ወጣት የ6 ወር ህጻን ልጅ ያለውን ተክለ ሰውነት ያለው ሲሆን፥ ክብደቱም 7 ኪሎ ግራም ደገማ ነው።

የ21 ዓመቱ ህንዳዊ ወጣት የዓለማችን ትንንሽ ሰዎች ተብለው ከሚጠሩት ውስጥ አንዱ መሆኑ እንዳልቀረም ነው በመነገር ላይ የሚገኘው።

ወጣቱ በምን አይነት የጤና እክል እንዲህ ሊሆን ቻለ የሚለው እስካሁን በህክምና ያልተደረሰበት ሲሆን፥ የማጠሩ ምክንያት ግን እስከሁን ለበርካቶች ያልተፈታ ሚስጥር ሆኖባቸዋል።

ማንፕሬት ሲንህ ሲወለድ ሙሉ ጤናማ እንደነበር የሚናገሩት ወላጆቹ፥ ልክ ስድስት ወር እንደሞላው ግን እድገቱ ሙሉ በሙሉ በቆሙን ነው የሚናገሩት።

ወደ ህክምና ባለሙያዎች ብንወስደውም ዶክተሮች ተገቢውን ምርመራ አላደረጉለትም የሚሉት ቤተሰቦቹ፤ ለህክምናው የሚሆን ገንዘብ እንደሌላቸውም ተናግረዋል።

የ21 ዓመቱ ማንፕሬት ሲንህ መናገርም ሆነ መራመድ የማይችል ሲሆን፥ እግሮቹን ማንቀሳቀስ ያቆመውም ገና የ3 ዓመት ልጅ እያለ ነበር።

ሆኖም ግን ለአካባቢው ነዋሪዎች ደስታን ይዞ እንደመጣ ነው ቤተሰቦቹ የሚናገሩት።

ምክንያቱ ደግሞ የአካባቢው ሰዎች ማንፕሬት ሲንህ የሂንዱ እምነት አምላክ በእሱ ተመስሎ ተወልዷል በሚል እያመለኩት መሆኑ ነው።

በርካቶችም ማንፕሬት ሲንህ ፊት ሲሰግዱ ታይተዋል።